Sky Dainik सोमबार, साउन ११, २०७८
काठमाडौं,साउन ११। जनता समाजवादी पार्टी (जसपा) का अध्यक्ष उपेन्द्र यादवले आफ्नो पार्टी छिट्टै शेरबहादुर देउवा नेतृत्वको सरकारमा सहभागी हुने बताएका छन् ।
सोमबार आयोगमा पुगेका संचारकर्मीहरुसँग नेता यादवले आफ्नो पक्षमा निर्वाचन आयोगमा बहुमत कार्यकारिणी सदस्यको हस्ताक्षर जुटेको भन्दै महन्थ ठाकुर पक्षले आत्मालोचना गरेर आए पार्टीले बिचार गर्न सक्ने बताएका थिए ।
यस्तै निर्वाचन आयोगमा उपस्थित भएका ५१ सदस्यीय कार्यकारिणी समितिका सदस्यमध्ये ३४ जनाले उपेन्द्र पक्षमा हस्ताक्षर सनाखत गरेका छन्।
यसैबीच अध्यक्ष यादवले आफूहरूले महन्थ ठाकुर र राजेन्द्र महतोहरूलाई माफी मागेर आए पार्टीमा ठाउँ दिने बताएका छन्। उनीहरूले प्रतिगमनमा लागेको कुरा गल्ती स्वीकार गर्दै माफी मागेमा पार्टीमा स्थान दिइने यादवले बताएका हुन ।
यहाँ कमेन्ट गर्नुहोस्