skydainik मंगलबार, कार्तिक १६, २०७८
तेह्रथुम कार्तिक १६। स्वास्थ्य तथा जनसंख्या राज्यमन्त्रि भएपछि प्रथम पटक समस्या बुझ्न आफ्नो गृह जिल्लामा भवनि खापुङले एक साता लामो भ्रमण सुरु गर्नु भएको छ ।
सोमबार देखि जिल्लाको छथर गाउँपालिका देखि भ्रमण संगै नेपाल कम्यूनिस्ट पार्टी एकिकृत समाजवादीको अगुवा कार्यकर्ता भेटघाट सेमेत सरु गर्नु भएको छ ।
सोमबार उहाँले छथर अस्पतालको भ्रमण तथा त्यहाँ भएका समस्या समेत बुझेका छन् । छथर अस्पतालमा भएको समस्याका बिषयमा छथर गाउँपालिकाका स्वास्थ्य शाखा प्रमुख संजित रसाइलीले लिखित पत्र गाउँपालिका अध्यक्ष सन्तोश तिगेलाको हातबाट राज्यमन्त्रिलाई बुझाउनु भएको छ ।
जिल्लाको सम्पुर्ण स्थानिय तहमा पुगेर स्वास्थ्य क्षेत्रमा रहेका सम्पुर्ण समस्या बुझ्ने र सो समस्याको समाधानका निम्ति पहलगर्ने मन्त्री खापुङले बताउनु भयो।
भ्रमण कार्यक्रम संगै नेपाल कम्यूनिस्ट पार्टी एकिकृत समाजवादीले आयोजना गरेको शुभकामना आदानप्रदान कार्यक्रममा बोल्ने बक्ताहरुले छथर अस्पतालमा दरबन्दि सहितको जनशक्ती , आधारभुत उपकरण,भवन लगाएत पोसमार्टम घर निमार्ण गर्न राज्यमन्त्रिको ध्यानार्कषण गराउनु भएको छ।
तेह्रथुम जिल्लाको प्रतिनिधित्व गर्दै यस अघि पनि धेरै मन्त्रिहरु बनि सक्दा समेत जिल्ला बासीहरुको समस्या यथावत नै रहेकाले राज्य मन्त्रिलाई जिल्लामा उदाहरणीय काम गर्न छथर गाउँपालिकाका अध्यक्ष सन्तोश तिगेलाले आग्रह गर्नु भएको छ।
यता स्वास्थ्य तथा जनसंख्या राज्यमन्त्रि भवानि खापुङको स्वागतको लागि नेपाल कम्यूनिस्ट पार्टी एकिकृत समाजवादीले पञ्चेबाजा बजाउदै शुक्रबारे बजार परिक्रमा गराएको थियो ।
यस्तै भ्रमण तालिका अनुसार मन्त्री खापुङले मंगलबार लालिगुरास नगरपालिकाको बसन्तपुर , लसुने बजारमा , जिरिखिम्ति बजार र म्याङ्लुङ बजारमा भेटघाट कार्यक्रम रहेको मन्त्री खापुङको सचिबालय जनाएको छ।
यहाँ कमेन्ट गर्नुहोस्